Vi tilbyr kurs om rosesaum, skjortebroderi frå Vest-Telemark. På kurset lærar du å brodere rosesaum på skjorteliner som er bruka til den rosesauma Vest-Telemarksbunaden. Det blir fellesundervising og individuelle rettleiing.
Lærar: Inger Olsnes. Epost: ingerolsnes53(a)gmail.com
Målgruppe for kurset:
Alle som ønsker kurs om rosesaum, skjortebroderi frå Vest-Telemark
Spesielle krav:
• Du må ha godt syn , ta med lupe dersom naudsynt
Kursmateriell:
Ta med:
• Kanavanåler, spisse nr 24 og / eller nr 26
• Påteikna skjorteliner
• Molinegarn
• Broderisaks
Du kan få kjøpt material på Vinjebue (tlf 900 26 467) evt. andre husflidsbutikk som driv med bunad. Det er smart å bestille materiellet i god tid då dei kan ha det travelt på sommaren.
Vi gjer merksam på:
Gjennom Studieforbundet kultur og tradisjon er dette kurset dekka av Kopinoravtalen, som tillet kopiering frå bøker og trykksaker til undervisningsføremål. Vi reknar med at deltakar følgjer sikkerhetsinstruksar frå kursarrangør og kurslærar. Kursdeltakar er ikkje dekka av forsikring frå arrangør.
Avmeldingsinformasjon:
Påmeldinga er bindande. Dersom du ikkje kan møte på eit kurs du har meldt deg på, er det viktig at du melder frå skriftleg (e-post eller brev) så fort som mogeleg.
Ein betalar eit depositum på kr 950 ved påmelding av eit kurs. Innbetalt depositum blir ikkje refundert fram til fire veker (28 dagar) før kursstart. Ved avmelding seinare enn 28 dagar før kursstart må heile kursavgifta betalast. Dette gjelder også om det er sjukdom eller andre årsaker.
Ein kan bytte kurs innanfor sama år, men kan ikkje skuve påmeldinga til neste år.